Cahangir Həsənağa oğlu Zeynallı
Cahangir Zeynallı 1949-cu ildə Bakı şəhərində dünyaya gəlib. Ümumittifaq Dövlət Kinematoqrafiya İnstitutunun rejissorluq fakültəsində təhsil alıb (1970-1975). Təhsilini başa vurduqdan sonra Cəfər Cabbarlı adına “Azərbaycanfilm” kinostudiyasında fəaliyyətə başlayıb.
C.Zeynallı Türkiyənin Adana Universitetinin İncəsənət və Teatrşünaslıq fakültəsində pedaqoji fəaliyyətlə məşğul olub, Azərbaycan incəsənətinin təbliği ilə məşğul olub.
Rejissor yaradıcılığı boyu 40-a yaxın sənədli və bədii filmin ərsəyə gəlməsində iştirak etmişdir. Onun 1989-cu ildə çəkdiyi “Əlaqə” bədii filmi milli kinomuzda azadlıq fəlsəfəsini və dövrün psixoloji mühitini əks etdirən ən uğurlu ekran işlərindən biri hesab olunur.
Azərbaycan kino sənətinin inkişafındakı xidmətlərinə görə 18 dekabr 2000-ci ildə Azərbaycanın əməkdar incəsənət xadimi fəxri adına layiq görülüb.
2019-cu ilin Kino günündə, milli kinematoqrafiya qarşısındakı xidmətlərinə görə, Azərbaycan Kinematoqrafçılar İttifaqı tərəfindən fəaliyyəti yüksək qiymətləndirilərək ittifaqın illik mükafatı ilə təltif edilib.
Filmoqrafiya
1975 — Qəhrəmanların izi ilə (qısametrajlı sənədli film) – rejissor
1977 — Dostların görüşü (II) (qısametrajlı sənədli film) – rejissor, ssenari müəllifi
1977 — Şəfa nöqtələri (qısametrajlı sənədli film) – rejissor
1978 — Azərbaycan SSR (IV) (qısametrajlı sənədli film) – rejissor
1978 — Sirk mənim həyatımdır (qısametrajlı sənədli film) – rejissor
1979 — Dostların gözü ilə (qısametrajlı sənədli film) – rejissor
1979 — Əbədi bahar kimi (qısametrajlı sənədli film) – rejissor
1979 — Solmaz bir bahar kimi (qısametrajlı sənədli film) – rejissor
1980 — Dostlar görüşəndə (qısametrajlı sənədli film) – rejissor
1980 — Neft çağırır (qısametrajlı sənədli film) – rejissor
1981 — Son söz (qısametrajlı sənədli film) – rejissor
1982 — Gələcəyin qurucuları (qısametrajlı sənədli film) – rejissor, ssenari müəllifi
1982 — İstirahət gecəsi (qısametrajlı sənədli film) – rejissor
1983 — Arzuya doğru (qısametrajlı sənədli film) – rejissor
1983 — İlişdim (“Mozalan” bədii süjeti № 80) – rejissor
1983 — Nə haqla? (“Mozalan” sənədli süjeti № 83) – rejissor
1983 — Spartakiadanın startları (qısametrajlı sənədli film) – rejissor, ssenari müəllifi
1984 — Şeir mənim üçün bir kainatdır (qısametrajlı sənədli film) – rejissor
1985 — Əbədi iz (qısametrajlı sənədli film) – rejissor
1985 — Fikrət Əmirov (qısametrajlı sənədli film) – rejissor
1985 — Səfillər (qısametrajlı sənədli film) – rejissor
1986 — İntizar (II) (qısametrajlı sənədli film) – rejissor
1986 — Jonqlyor (“Mozalan” bədii süjeti № 107) – rejissor
1986 — Özünü ifşa (“Mozalan” sənədli süjeti № 108) – rejissor
1987 — Əbədiyyət yolu (qısametrajlı sənədli film) – rejissor, ssenari müəllifi
1987 — Həyat mübarizədir (qısametrajlı sənədli film) – rejissor
1987 — Pərdə arxasında (“Mozalan” bədii süjeti № 117) – rejissor
1987 — Söz gəncliyindir (qısametrajlı sənədli film) – rejissor, ssenari müəllifi
1987 — Sumqayıt (Sumqayıt yenidənqurma yolu ilə) (IV) (qısametrajlı sənədli film) – rejissor, ssenari müəllifi
1988 — İlk zirvələr (qısametrajlı sənədli film) – rejissor, ssenari müəllifi
1989 — Əlaqə (tammetrajlı bədii film) – rejissor
1990 — 20 yanvar (tammetrajlı sənədli film) – rejissor
1991 — Qobustan (II) (qısametrajlı sənədli film) – rejissor, ssenari müəllifi
1992 — Azərelektromaş (qısametrajlı sənədli film) – rejissor, ssenari müəllifi
1994 — Qaçqınlar (qısametrajlı sənədli film) – rejissor, ssenari müəllifi
1996 — Əsrin müqaviləsi (Əsrin kontraktı) (qısametrajlı sənədli film) – rejissor, ssenari müəllifi, operator
1999 — Firəngiz Əlizadə. Lüsern-99 (qısametrajlı sənədli televiziya filmi) – rejissor
2006 — Cəfər Cabbarlı (III) (qısametrajlı sənədli televiziya filmi) – rejissor
2015 — Bəstəkar Firəngiz Əlizadə (qısametrajlı sənədli televiziya filmi) – rejissor
- 2025 — Zəfər yolu – Ikinci Qarabağ müharibəsində şanlı Qələbəmizin 5 illiyinə həsr olunur